Ro‘yxatdan o‘tgan raqami: P N014247/02
Dori vositasining savdo nomi
Sinupret®
Dori shakli: qobiq bilan qoplangan tabletkalar (draje)
Tarkibi (1 tabletkada):
Faol moddalar
- Gentiana ildizlari — 6,0 mg
- Primula gullari — 18,0 mg
- Rumex o‘t — 18,0 mg
- Sambucus gullari — 18,0 mg
- Verbena o‘t — 18,0 mg
Qo‘shimcha moddalar
jelatin, laktoza monogidrat, kartoshka kraxmali, anhidrid koloidal kremniy dioksidi, sorbitol, stearin kislota
Tabletaning qobig‘i:
asosiy butillangan metakrilat sopolimeri, kalsiy karbonat, kastor moyi, xlorofill kukuni, dekstrin, glyukoza, indigo-karmin (E 132) alyuminiy lak, magniy oksidi, makkajo‘xori kraxmali, montan glikol voksi, riboflavin (E 101), shellak, sakaroza, talk, titan dioksidi.
Ta'rifi
Aylana shaklidagi ikki tomonlama yumaloq tabletkalar, silliq yuzaga ega yashil rangli qobiq bilan qoplangan. Sinishda uch qatlam ko‘rinadi: ichki qatlam – engil yashil tusdagi och jigarrangdan to jigarranggacha, to'q dog‘lar bo‘lishi mumkin; o‘rta qatlam – oq rangli; tashqi qatlam – yashil rangli.
Farmakoterapevtik guruh
Burun kasalliklarini davolash uchun o‘simlikdan tayyorlangan vosita
ATX kodi: R07AX
Farmakologik xususiyatlari
O‘simliklardan olinadigan majmuaviy preparatdir.
Farmakologik xususiyatlari preparat tarkibidagi biologik faol moddalarga bog‘liq. Sinupret® sekretolitik, sekretomotor, yallig‘lanishga qarshi, shishishga qarshi, o‘rta darajadagi antibakterial va virusga qarshi ta’sir ko‘rsatadi. Burun yondosh bo‘shliqlari va yuqori nafas yo‘llaridan ekssudatning chiqishini rag‘batlantiradi va asoratlarning rivojlanishini oldini oladi.
Qo‘llash ko‘rsatmalari
O‘tkir va surunkali sinusitlar, yopishqoq sekretsiya hosil bo‘lishi bilan birga kechadigan kasalliklar.
Qarshi ko‘rsatmalar
Preparat tarkibidagi moddalariga yuqori sezgirlik, laktaza yetishmovchiligi, glyukoza-galaktoza malabsorbsiyasi, sakaraza/izomaltaza yetishmovchiligi, laktoza, fruktoza, galaktozani qabul qila olmaslik (preparatda laktoza monogidrat, glyukoza va sakaroza mavjudligi sababli), 6 yoshgacha bo‘lgan bolalar (klinikal ma’lumotlarning yetishmasligi sababli) uchun qo‘llanilmaydi.
Homiladorlik va emizish davrida qo‘llash
Homiladorlik davrida Sinupret® preparatini qo‘llash faqat shifokor tavsiyasi bilan mumkin.
Preparat emizish davrida tavsiya etilmaydi (uning klinik qo‘llanilish tajribasi mavjud emas).
Qo‘llash usuli va dozalari
Tabletkani butunligicha, chaynamasdan, oz miqdorda suy bilan ichilsin.
Kattalar: 2 tabletakdan 3 marta kuniga.
Maktab yoshidagi bolalar: 1 tabletakdan 3 marta kuniga.
2 dan 6 yoshgacha bo‘lgan bolalar: kuniga 3 marta, har birida 15 tomchi.
Davolash kursi 7–14 kun davom etadi.
Agar simptomlar 7–14 kundan ko‘proq davom etsa yoki takrorlansa, shifokorga murojaat qilish zarur.
Nojo'ya samaralari
Allergik reaksiyalar bo‘lishi mumkin (teri toshmasi, terining qizarishi, qichishish, angionevrotik shishish, nafas qisishi), oshqozon-ichak buzilishlari (epigastral sohada og‘riq, ko‘ngil aynishi). Yon ta’sirlar paydo bo‘lsa, preparat qabul qilishni to‘xtatib, shifokorga murojaat qilish lozim.
Dozani oshirib yuborish
Dozani oshirib yuborish holatida dozaga bog‘liq nojo‘ya ta’sirlarning kuchayishi mumkin. Davolash simptomatik bo‘ladi.
Boshqa dori vositalari bilan o‘zaro ta’siri
Antibakterial dori vositalari bilan birga qo‘llash mumkin va maqsadga muvofiqdir.
Hozirgacha boshqa dori vositalari bilan o‘zaro ta’siri haqida ma’lumot mavjud emas.
Maxsus ko‘rsatmalar
Preparatni qo‘llash diqqatni jamlash va tez psixomotor reaktsiyalarni talab qiladigan potentsial xavfli faoliyatlarga (shu jumladan, transport vositalarini boshqarish, harakatlanuvchi mexanizmlar bilan ishlash) ta’sir ko‘rsatmaydi.
Qandli diabet kasalligi bilan og‘rigan bemorlar uchun ko‘rsatma
Bitta tabletkada mavjud bo‘lgan hazm bo‘ladigan uglevod miqdori taxminan 0,01 “non birliklari” (NB) ga teng.
Chiqarilish shakli
Qobiq bilan qoplangan tabletkalar.
Har bir blisterda 25 dona qobiq bilan qoplangan tabletkalar joylashtirilgan bo‘lib, ular alyuminiy folga va polivinilxlorid/polivinilidenxlorid plyonkadan iborat blisterga solingan. 2 yoki 4 ta blister foydalanish bo‘yicha yo‘riqnoma bilan birga karton qutiga joylashtiriladi.
Maxsus saqlash sharoitlari
Saqlash shartlari
Quruq, yorug‘likdan himoyalangan joyda, 25°C dan yuqori bo‘lmagan haroratda saqlansin.
Bolalar qo‘li etmaydigan joyda saqlansin!
Yaroqlilik muddati
3 yil.
Yaroqlilik muddati tugagandan so‘ng qo‘llanilmasin.
Dorixonalardan berilish shartlari
Retseptsiz chiqariladi.
Ishlab chiqaruvchi
Bionorica SE, Kershensteinershtrasse, 11–15,
92318 Neumarkt, Germaniya
Ro‘yxatga olish guvohnomasi egasi
Bionorica SE, Kershensteinershtrasse 11–15,
92318 Neumarkt, Germaniya
Tayyor dori shaklini ishlab chiqaruvchi
Rottendorf Pharma GmbH, Ostenfelder Strasse 51–61,
59320 Ennigerloh, Germaniya;
Dragenopharm Apotheker Püschl GmbH, Göllstrasse 1,
84529 Tittmoning, Germaniya
Qadoqlash/Fasoslash
Bionorica SE, Kershensteinershtrasse 11–15,
92318 Neumarkt, Germaniya
Chiqarishni nazorat qiluvchi tashkilot
Bionorica SE, Kershensteinershtrasse 11–15,
92318 Neumarkt, Germaniya
Iste’molchilarning shikoyatlarini qabul qiluvchi tashkilot
Mas’uliyati cheklangan jamiyat “Bionorica”
119619, Moskva, 6-ya ul. Novyye Sady, 2-uy, 1-korpus
Tel./faks: (495) 502-90-19
Elektron pochta manzili: info@bionorica.ru